هل الشاب المدخن جذاب بنظر الفتيات ..؟؟

[Mohager]

http://alsafa.net/pics/46eab0297c12.gif



هل فعلا الشاب المدخن جذاب بنظر الفتيات ..؟؟

انقسم المجتمع إلى > فئتين <
<فئه معارضه للتدخين وهي الفئه الغالبه ..:
>وفئه مؤيده للتدخين وهي الفئه القليله ..http://www.alsafa.net/vb/images/smilies1/alsafano1.gif

لكن التدخين في الشرق الأوسط من نصييب الشباب أكثر .. وفي هالأيام نلاحظ ان في بنات تحط من شروط الزواج ان الزوج يكون يدخن !!!!!
لا تستغربو هالشي فعلا حاصل ..

يعني البنات ينخدعو بالشاب اللي يدخن .. ويظنو انه يمثل فارس الأحلام .. القوي الجذاب ..وفي شباب يدخنو لكسب ود واعجاب البنات .. يعني هذا شي يعتمد على الشخص نفسه مهما كان أثر الدعايات كبير ..
والحين سؤالي للبنات ..
{هل فعلا الشاب المدخن جذاب في نظركم..؟!


ملاحظه .. الشباب يقدرون يعطونا رايهم بالموضوع ..

انتظر ردودكم .. http://www.alsafa.net/vb/images/smilies1/alsafamad1.gif

[عَبَثْ ~]

لا طبعاً !! انا وحده من المعارضيييين وبشددده للتدخين !!

وبعدين كيف جذاب ؟.. بالعكس هذا انسان تشفق عليه وترحمه لانه انسان مهمل لصحته ..

عآلعموم الشاب المدخن احس انه ضعيف او السيجاره اقوى منه !!
لانه تتحكم فيه ..!! :rolleyes:

اممممـ هذا رائيي بالموضوع ..


عاشق عوافي علىآ الموضوع ..

[MĕtoO῟ ≈]

لا وانا من المعارضييين وبشششده ..

وين الجذاب فيه لانه يدخن لاا بعدين ما اضمن اتزوج شاب مهمل صحته ويهمل صحتي معه ..

مشكـور اخوي على طـرح الموضوع ..

[$$ نجـــد $$]

أنا من وجهة نظري ما أعتبره جذاب أبد ..

أنا أشوف المدخن ضعيف الإرادة لأنه مايقدر يترك الدخان ..بس مو معناة هذا إن

البنت ترفض اللي يتقدم له لأنه مدخن ؟؟

إذا كان أخلاق ودين والكل يشهد له بهالشيء أعتقد مميزاته تغطي على عيبه

*التدخين* وبعدين بالعقل بهالوقت قليل الشباب اللي مايدخنون ,,لو البنت بترفض

كل من يتقدم له لأنه مدخن ؟؟ بكذا بتعنس البنت ببيت أهله ..

أنا من وجهة نظري المتواضعه إذا البنت عارفه نفسه قويه وعنده صبر تأخذ الشاب

المدخن وتصير هي اللي تعينه وتعاونه إنه يتركه هذا شيء حلو وبتكبر بعينه

والتجارب من الواقع كثيره على هذا الشيء وكثير شباب ودهم يتركون التدخين بس

محتاجين أحد يوقف معهم مو معقولة نصير ضدهم ونعتبرهم كأنهم مسوين جريمة

صح الدخان له أضرار كثيره ويمكن على اللي حول المدخن الضرر أكبر من اللي على

المدخن نفسه اللي يسمى(المدخن السلبي) بس حتى الشباب محتاجين وقفة المجتمع

معهم ,, لازم نوقف معهم بكل الظروف وإن شاء الله ربي يعصمهم عنه ,,

من واقع تجربتي الشخصية أنا وقفت مع أخوي عشان يترك الدخان وتحديت الكل

وكنت أتحمل عصبيته لما يطول مايدخن وأعطيه أشياء بديله عن الدخان إذا احتاجه

يعني كلما شفته يبي يدخن أعطيه فصفص يشغله أو حتى علك واخليه يكثر من

العصيرات وبنفس الوقت أغض البصر عنه إذا شفته يدخن يعني أسوي نفسي

مادريت ,, وسكت فتره عنه عشان يصير عنده رقابه ذاتية لين جاء يوم الحمدلله

دخل علي فرحان الله يديم عليه قلت له وش بك؟؟ قالي وش أبشرتس به ؟؟

قلت خيـــــر قال: تركت الدخــــان .. ياربي لك الحمد والله يثبته و يديم عليه

ولاتقولون بفترة بسيطه أنا قعدت مع أخوي سنة وكم شهر بس شوفوا هذا أكبر دليل

إن الشباب محتاجين أحد يعطيهم فرصة ويوقف معهم ..

* آســــفــــه على الإطـــــالـــة *

تقبل مروري .. $$ نــجـــد $$

[كراثة فوشيه]

.:.

لآ طبعـآ عمررهـ مـآكـآن التدخيـن شي جذآآب

بس مـآأرفض رجـآل اخلآقه زينه بس علشـآنه يدخن

مـآدري هذا رآيي :)


عوآفي عـآشق ع الطرح المميز

[ğħяăMą6fąĻ]

انآآ معآآرضه وبشدهـ للتدخين ..
وين الجآآذبيه بالشآآب المدخن اولاهـ ..!!

اول شئ يغمتك بالريحه وصحته تروح وطي ... ويدهور صحة زوجته وعيآله كمآآن ..

بس مثل مآقآلت كراثه ونجد مآآارفض رجآل اخلآق ودين وكلن يشهد له بالصلآح .. عشآآنه يدخن ..:)

هذا رأيي بالموضوع ..

ع ـوآآفي عويشق .. :)

[شتات السنين]

وأنا أختك المدخن ما دل الجاذبيه ولا عرف طريقه ..

من أي ناحيه يجذب اذا هو أسـاسـاً مسبب قرف لي ..

:

وعلى قولت ( كراثه ) .. يمكن أخلاقه وسمعته طيبه ..


الا ان التدخين يظل أكبر عيوبه ..

:


الله يعطيك العافيه يا .. ][ عاشق الانتر ][

[اسيرالشوووق]

السلام عليكم ورحمة ...

أشكر صاحب الموضوع لطرحه الجميل ...

من متى أصبحت المجاهره بالمعصيه مظهر أعجاب أو جذب للأخرين ..؟

والأن اصبحت رائحة الدخان تعجب الكثير من الشباب والفتيات ..!!

ولي عوده بأذن الله وافيه ..!

..:)..

[Mohager]

أم سمير

.*meto moon.*

$$ نجــد $$

كراثه فوشيه

كاشته بالحوش

شتات السنين

أسير الشووق

يعطيكم 1000 عافيه حبايبي ع المرور ..

[MAMNON]

انا مع وجهت نظر اختي كراثه فوشيه عمر المدخن ماكان جذاب


بس الشي هذا مايمنع إنه يكون فيه ايجابيات ثانيه بالشخص المدخن




عاشق

الله يعطيك العافيه موضوع اكثر من رائع

[لينا مرت عدنان]

...انا من وجهة نظري انه التدخين مو محل اعجاب بالنسبة لي ...
بالعكس اتضايق اذا شفت شباب توهم ببداية حياتهم ويدخنون

وانا اضم صوتي لكراثه وممنون بانه مايمنع انه فيه كثير من الشباب المدخنين يكون عنده اخلاق عاليه وايجابيات اخرى..

عاشق الانتر الف شكر ع الموضوع

تحيتي

[ŇőSàĥ]

انا من وجهة نظري اكره شي اسمه تدخين

تراي ابتكلم بالعامي خخخخخخخخ

صدق اني ما احب التدخين ولا اواطنه بس بكيفه هو الي بيضر نفسه وهو الي جايبه وننصحهم ولا فيه اذان تسمع
انا مثل ماقلت بكيفه بس انا طيب الريحه تصبغ بثيابي طالعه انا لم ناس يجي ويشرب دخان اتفشل اذا سلمت على احد قالي ريحتس تهبل وكد صارت معي هذا

عاشق

مشكور عـ الموضوع

[Mohager]

ممنون

لينا

نوسه

يعطيكم العافيه حبايبي على مروركم ..

[*®*فراشــة عنيــزة*®*]

انا عندي سؤال ..؟

الحين المدخن جذاب بإيش ..؟؟

هل بشكله وهو يمسك السيجاره .؟ أو بشكله وهو يخرج الدخان من فمه ..؟؟

فيا لبشاعة المنظر ..!!

أين الجذاب في هذا ..؟؟

فليس ما يجذب الأنظار إليه إلا الشفقة على حاله .. فلقد سيطرت عليه سيجارات لعينه ..!!
فأصبح أسيراًلها لا يستطيع الخلاص منها إلا من لديه الإرادة القوية والعزيمة الثابتة ..

ولكن ,,,,,,
ليس شرطاً أن كل مدخن يكون سيئ الأخلاق .,., ولكن يوجد من ابتلي فيه ..
وهو في قمة الأخلاق الكريمة ..
ويبحث عن من يسانده لكي يترك هذه البلية ..


آسفة على الإطالة .. (^_^)

[طايرتن بوهتي]

ودي اعرف بس من وين يجذب اذا صار يدخن ... بالعكس ارحمه وبقوووه لانه

يدخل لجسمه مرض ومو بس هو اللي يتضرر حتى اللي حوله ..

اما اذا كانت اخلاقه طيبه وعلى دين فالتدخين يعتبر عيب فيه ..


يعطيكـ العافيه عاشق على طرحك الرائع ... :)

[Mohager]

فراشة عنيزهـ

طايرتن بوهتي

الروعهـ مروركم ويعطيكم العافيه ..

[Sho0okrN]

موضوووع بطـل ،،

أتـوقع إن الدخاان له جاذبيه .. خاصه عند البنـااات

* مكروه عند البنااات .. وبنفس الوقت جاذبيه عند البنات

بحاول أوزنه بمعادلـة وأربطو اللي فوق باللي تحـت ،،

* مكروه عند صحة الشباب .. وبنفس الوقت جاذبيه عند مزاج الشباب


* بعض خواطر الأنثى ...
تتغـزل بـ/ ولاعته بـ/ سيجارته بـ/ ريحته [دخاان] ،،

* البنت .. تأخذ ملابس أخوه المدخـن وتشم الريحـه كأنه تشم عطر باريسي


* إذا لم يكـن له جااذبيـه عند النساء فـ/ هو محااايـد !!

،،

هذهِ وجهة نظري ..


وشكراً يا ع‘ـااشق على المساحه الحرره

تحية معطره لـ/ روحك الإنترآويه :2_37:

[**رووووبــــي**]

<< مستغربه من ردود البنات :7_104:

يعني بغض النظر عن اخطاره ومضاره وووووو...


انا عن نفسي وبقمة الشفافيه... اعشق واحب واخق على ريحت الدخان ويزود حبي له اذا كانت السيجاره بيد واحد حلو<< يعني كلمة يجذبن شويه :1_30:





<<قالولتس جاوبي بصراحه بس عاد مهب تسذا تقل قاعده بصالتكم:2_37:











مييييييييييييييييييييييييييييييييييغسي عاشق (^_^)

..روووبــــي

[جار القمر]

انا مع احترامي الشديد

اللي تشوف المدخن جذآب...اعتبره عمياء

انتي ياروبي يعجبك صح؟طيب تخيلي واحد صل قدامك يدخن بالله وش شعورك

وهو جالس يتملح عندك...إلعن ابو التتن كله

بس انا قلت اللي تشوف الرجال المدخن جذاب

انصحه انه تعالج بالخارج لعيونه

وين الجذابه...ببراطمه اللي يبي يتفتتن من العفن وماتفرق بينه وبين الليل

ولا اذا كح وشفطه بقوة وتقل يبي يذبح نفسه ويقولون انه تخفف على راسي...استغفرالله العظيم

بعدين كانه جذاب تعالي له بعد كم سنة...كل ما شرب وحدة يقول..إلعن اول دخانه حطيته بـ أفمي

والحمدلله اني ماني من المدخنين ولا اطيق اجلس جنب اللي يدخن

تسيف ريحة استغفرالله العظيم الصرف الصحي وانتوا بكرامة ارحم منه...يع القرف